02. அறிவுறுத்தல்கள்

 [7:29 pm, 08/05/2026] Sri Shakthi Suman: இந்தப் புண்ணியமான சித்ரா பௌர்ணமியில் விதியை மாற்றி அமைக்கும் சித்ர குப்தனின் ஆசி பெறும் நாளில் நாம் விதியை மாற்றி அமைக்கும் சிவயோக சாதனையின் ஒரு அங்கமாக திருமந்திர அரண்மனை கட்டும் பணியை ஆரம்பிக்க அனைவரையும் அழைக்கிறோம்.

[7:29 pm, 08/05/2026] Sri Shakthi Suman: இந்தச் சாதனையின் சிறப்பம்சங்கள்: தினமும் ஒரு மந்திரம்: ஒவ்வொரு நாளும் ஒரு திருமந்திரம் சந்தி பிரித்து எழுத்துத் தவம்: அதனை ஒரு பிரத்யேக ஏட்டில் (Diary) உங்கள் கைப்பட எழுத வேண்டும்.

அகக் கட்டுமானம்: அன்றைய நாள் முடிவில் அந்த மந்திரம் உங்கள் அன்றாட வாழ்வில் என்ன மாற்றத்தை ஏற்படுத்தியது என்பதை ஒரு வரியாவது குறித்து வைக்க வேண்டும்.

[7:29 pm, 08/05/2026] Sri Shakthi Suman: இது மிக உயரிய ஒரு தந்திர ரகசியம், திருமந்திரத்தின் எட்டாம் தந்திரத்தில் 2184 வது பாடலில் கூறப்படும் ஆறு அத்வாக்களின் இரகசியத்தை நாம் இப்போதே குருவருளால் பயிற் சிக்க ஆரம்பிக்கிறோம்.

[7:29 pm, 08/05/2026] Sri Shakthi Suman: இந்த சாதனைக் குழு ஏற்படுத்துவதின் ஒரு சூட்சும நோக்கம் உள்ளது. திருமந்திரத்தின் அனைத்துப் பகுதிகளும் அனைவராலும் கற்க முடியாது. தகுதி அற்றவர்களுக்கு கற்பிக்கக் கூடாது என்ற விதியும் உள்ளது. குறிப்பாக பரியங்க யோகம், சந்திர யோகம், மந்திர யோகம் போன்ற பகுதிகள்! இவற்றைக் கற்பதற்கு தகுந்த பண்பும், பக்குவமும், நீண்ட முயற்சியும் பொறுமையும் தேவை. வெறுமனே என்ன இருக்கிறது என்ற தகவல் தேடல்கள் தேடுபவர்களுக்கு உரியவை அல்ல! அவை குருமுகமாக நேரடியாகக் கற்க வேண்டியவை. ஆகவே எமது விளக்கவுரை எல்லாப்பகுதிகளுக்கும் பொதுவாக முக நூலில் வராது! அவை இந்தக்குழுவில் முறையாக கூறியபடி சாதனை செய்யும் பக்குவமுடையோருக்கும், பொறுமை உடையோருக்கு மாத்திரமே கற்பிக்கப்படும். ஆகவே இவற்றை முழுமையாகக் கற்க விரும்புவர்கள் இந்தக் குழுவின் சாதனையில் பங்குபற்றுவது அவசியம்.

[7:29 pm, 08/05/2026] Sri Shakthi Suman: குழுவின் நிபந்தனை - ஒவ்வொரு நாளும் ஒரு திருமந்திரம் பகிரப்படும், அதை நாம் கீழே சொல்லப்போகும் பாவனையுடன்  நோட்டுப்புத்தகத்தில் எழுத வேண்டும். ஒவ்வொரு ஞாயிற்றுக்கிழமையும் இந்தக்குழு அனைவரும் பதிவிடக்கூடிய வகையில் திறக்கப்படும். அன்றைய நாள் அனைவரும் தமது எழுதிய நோட்டுப்புத்தகத்தை பகிர வேண்டும்.

[7:29 pm, 08/05/2026] Sri Shakthi Suman: குழுவின் நிபந்தனை 02: இங்கு பதியப்படும் அறிவுறுத்தல்களை படித்தவுடன் எமோஜி போட்டு நீங்கள் படித்துவிட்டீர்கள் என்ற துலங்கலைக் காட்டுவது அவசியம்! அவ்வாறு ஆர்வமற்று இருப்பவர்கள், விதிகள் எமக்கு ஒவ்வொத கட்டுப்பாடுகளாக நினைப்பவர்கள் குழுவை விட்டு விலகிச் செல்லலாம், சிறிது காலத்தின் பின்னர் இப்படி எந்த துலங்கலும் காட்டாதவர்கள் நீக்கப்படுவார்கள்.

[7:29 pm, 08/05/2026] Sri Shakthi Suman: அன்பர்களே, புதிய பெரிய நோட்டுப்புத்தகம் ஒன்று வாங்கிக்கொள்ளுங்கள், உங்கள் பூஜை அறை, அல்லது தகுந்த ஒரு இடத்தைனை ஏற்பாடு செய்து கொள்ளுங்கள்.

[7:29 pm, 08/05/2026] Sri Shakthi Suman: தினசரி ஒரே இடத்தில் அமர்ந்து இதைச் செய்வது சிறப்பு.  பயணம் செய்பவராக இருந்தால் கவலை வேண்டாம் நீங்கள் இருக்கும் இடத்தில் செய்யலாம்; இதுவொரு அகச்சாதனை, அதிக புற நியமங்கள், சுத்தம், அசுத்தம் ஆகியவற்றை சிந்தித்து குழப்பிக்கொள்ள வேண்டாம். எனினும் இயலுமான அளவும் உடல், மனத்தூய்மையுடன் செய்யுங்கள்

[7:29 pm, 08/05/2026] Sri Shakthi Suman: ஒரு சாதகர் திருமந்திரத்தை எழுதும் போது, அதனை வெறும் எழுத்துப் பயிற்சியாகக் கொள்ளாமல் ஒரு "மந்திர யோகத் தியானமாக" மாற்றுவதற்குரிய அரிய பாவனையைச் சொல்லப்போகிறோம். இது ஒரு சாதகனைத் தூல நிலையில் இருந்து சூக்கும நிலைக்கு அழைத்துச் செல்லும்.

[7:29 pm, 08/05/2026] Sri Shakthi Suman: அனைவரும் நோட்டுப் புத்தகத்தை வாங்கிக்கொண்டு கீழ்வரும் பாவனை முறைகளைப் பல தடவை படித்து விளங்கிக்கொண்டு இன்று மாலை சூரிய அஸ்தமன நேரம் சாதனையை ஆரம்பியுங்கள்.

[7:29 pm, 08/05/2026] Sri Shakthi Suman: 🧘 திருமந்திர எழுத்துத் தியானம்: பாவனை முறைகள்

ஒவ்வொரு மந்திரத்தையும் எழுதும் போது, பின்வரும் ஐந்து நிலைப் பாவனைகளை ஒன்றிணைப்பது சிறந்தது, ஆரம்பத்தில் வரவில்லை என்றால் வீணாக மனச் சஞ்சலம் உருவாக்கி குழம்பக்கூடாது, சில வாரப் பயிற்சிகளுக்குப் பிறகு நிச்சயம் கைகூடும். எவரும் சில வாரங்கள் பயிற்சிக்காமல் வீணாக மனச் சஞ்சலம் அடையக்கூடாது.

[7:29 pm, 08/05/2026] Sri Shakthi Suman: எழுத்து பாவனைக்கு முன்னர் கீழ்வரும் பயிற்சியைச் செய்து எழுதத் தொடங்க வேண்டும்.

[7:34 pm, 08/05/2026] Sri Shakthi Suman: 🧘 திருமந்திரச் சாதனை: தியான வழிமுறை

ஒவ்வொரு நாளும் மந்திரத்தை எழுதத் தொடங்கும் முன், சாதகர் செய்ய வேண்டிய ஆயத்தப் பயிற்சிகள்:

1. பிராணத் தூய்மை (Preparation)

தண்டுவடம் நேராக இருக்கும்படி அமர்ந்து, கண்களை மூடிக்கொள்ள வேண்டும்.

முதலில் சில நிமிடங்கள் தீர்க்க சுவாசம் (ஆழ்ந்த மூச்சுப் பயிற்சி) செய்ய வேண்டும்.

மூச்சை மெதுவாக உள்ளிழுத்து, மிக மெதுவாக வெளியே விட வேண்டும். ஒவ்வொரு மூச்சின் போதும் உங்கள் உடல் மற்றும் மனம் அமைதியடைவதை உணர வேண்டும்.

[7:34 pm, 08/05/2026] Sri Shakthi Suman: 2. குரு பாவனை (Guru Visualization)

மூச்சு சீரானதும், உங்கள் சிரசில் (சஹஸ்ராரச் சக்கரத்தில்) ஆயிரம் இதழ் தாமரை மலர்ந்திருப்பதாகப் பாவனை செய்யுங்கள்.

அங்கே, ஞானத்தின் வடிவான திருமூலர் பெருமான் குருவாக அமர்ந்திருப்பதாகக் காட்சிப்படுத்துங்கள். திருமூலர் எப்படி இருப்பார் என்பதில் சந்தேகம் வேண்டாம், உங்களுக்குப் பிடித்த உருவில் தியானிக்கலாம். 

அவரது திருக்கரங்களில் இருந்து ஞான ஒளி வெள்ளமாகப் பெருகி, உங்கள் உடல் முழுவதும் பாய்ந்து உங்களைத் தூய்மைப்படுத்துவதாக திருமந்திரத்தின் பொருளை அறியக்கூடிய தூய்மையைத் தருவதாக எண்ணிக் கொள்ள வேண்டும்.

[7:34 pm, 08/05/2026] Sri Shakthi Suman: 3. எழுத்துத் தவம் 

குருவின் ஆசியுடன் கண்களைத் திறந்து, அன்றைய மந்திரத்தை எழுதத் தொடங்க வேண்டும்.

ஒவ்வொரு எழுத்தையும் எழுதும் போது, சஹஸ்ராரத்தில் அமர்ந்திருக்கும் திருமூலரே உங்கள் கையைப் பிடித்து எழுதுவதாகவோ அல்லது அவர் சொல்லச் சொல்ல நீங்கள் எழுதுவதாகவோ பாவனை செய்ய வேண்டும்.

இது உங்கள் தனிப்பட்ட செயல் அல்ல, மாறாக ஒரு குரு-சீடப் பரிமாற்றம் என்ற உணர்வுடன் எழுத வேண்டும்.

[7:34 pm, 08/05/2026] Sri Shakthi Suman: 4. கட்டுமானச் சமர்ப்பணம்

எழுதி முடித்ததும், அந்தப் பக்கத்தைச் சிரசில் அமர்ந்துள்ள குருவின் திருவடிகளில் சமர்ப்பிப்பதாக எண்ணி நோட்டுப்புத்தகத்தை மூடி பூஜையறையில் அல்லது பிரத்தியேகமான ஒரு இடத்தில் வைக்க வேண்டும். ஒரு பட்டுத்துணியால் கட்டியும் வைக்கலாம்.

[7:34 pm, 08/05/2026] Sri Shakthi Suman: 🔱 இந்தச் சாதனையின் மகிமை:

சிரசில் குருவை இருத்திச் செய்யப்படும் இந்தச் சாதனை, ஒரு சாதகரின் சஹஸ்ராரத்தில் இருந்து வரும் பேரொளியை அவனது எழுத்துக்களில் (வர்ண அத்வா) கொண்டு வந்து சேர்க்கும். இது ஏட்டில் எழுதும் மந்திரத்தை, சாதகனின் வாழ்வியலாக மாற்றும் வல்லமை கொண்டது. இதுபற்றிய தந்திர இரகசியம் பின்னர் விளக்கப்படும்.

[7:34 pm, 08/05/2026] Sri Shakthi Suman: 🧘 திருமந்திர எழுத்துத் தியானம்: பாவனை முறைகள்

ஒவ்வொரு மந்திரத்தையும் எழுதும் போது, பின்வரும் ஐந்து நிலைப் பாவனைகளை ஒன்றிணைப்பது சிறந்தது:

1. அட்சரப் பாவனை (The Visualization of Letters)

பாவனை: நீங்கள் எழுதும் ஒவ்வொரு எழுத்தும் பொன்னிற ஒளியுடன் பிரகாசிப்பதாகக் கருத வேண்டும்.

உணர்வு: காகிதத்தில் நீங்கள் எழுதும் மை, உங்கள் நாடிகளில் ஓடும் பிராண சக்தியாக உருவகப்படுத்தப்பட வேண்டும்.

[7:34 pm, 08/05/2026] Sri Shakthi Suman: 2. மூலர் கருணைப் பாவனை (The Presence of the Master)

பாவனை: திருமூலர் பெருமான் உங்களுக்கு முன்னே அமர்ந்து அந்த மந்திரத்தை உபதேசிப்பதாகவும், அவர் சொல்லச் சொல்ல நீங்கள் எழுதுவதாகவும் பாவனை செய்ய வேண்டும்.

உணர்வு: உங்கள் கை அவரது திருக்கரத்தின் கருவியாக மாறிச் செயல்படுவதாக எண்ண வேண்டும்.

[7:34 pm, 08/05/2026] Sri Shakthi Suman: 3. சப்தப் பாவனை (The Sound Resonance)

பாவனை: எழுதும் போது அந்த மந்திரத்தின் ஓசை உங்கள் இதயக் கமலத்தில் (Anahata Chakra) எதிரொலிப்பதாக உணர வேண்டும்.

உணர்வு: ஒவ்வொரு சொல்லும் ஒரு அதிர்வை உருவாக்கி, உங்கள் உடலில் உள்ள 72,000 நாடிகளையும் தூய்மைப்படுத்துவதாகப் பாவனை செய்ய வேண்டும்.

[7:34 pm, 08/05/2026] Sri Shakthi Suman: 4. கட்டுமானப் பாவனை (The Architectural Visualization)

பாவனை: நீங்கள் எழுதும் ஒவ்வொரு மந்திரமும் உங்கள் அகக்கோயிலின் (அரண்மனையின்) ஒரு பலமான படிக்கல்லாக மாறுவதாகக் கருத வேண்டும். 

உணர்வு: 3000 மந்திரங்களையும் எழுதி முடிக்கும் போது, உங்கள் ஆன்மா ஒரு குறையாத பேரொளி அரண்மனைக்குள் குடியேறுவதை உணர வேண்டும்.

[7:34 pm, 08/05/2026] Sri Shakthi Suman: 5. ஐக்கியப் பாவனை (Merging with the Truth)

பாவனை: மந்திரத்தின் பொருளை எழுதும் போது, அந்தப் பொருளே நீங்களாக மாறிவிடுவதாகப் பாவனை செய்ய வேண்டும்.

உணர்வு: உதாரணமாக, "அன்பே சிவம்" என்று எழுதும் போது, உங்கள் உடல், பொருள், ஆவி அனைத்தும் அன்பின் பிழம்பாக மாறி சிவத்துடன் ஒன்றிணைவதாக உணர வேண்டும்.

[7:34 pm, 08/05/2026] Sri Shakthi Suman: எழுதி முடித்தவுடன் சில நிமிடங்கள் அமைதியாகக் கண்களை மூடி அமர வேண்டும். நீங்கள் எழுதிய அந்த மந்திரத்தின் ஒளி உங்கள் நெற்றிப் புருவ மத்தியில் (Ajna Chakra) நிலைபெற்றிருப்பதாகப் பாவனை செய்து தியானத்தை நிறைவு செய்ய வேண்டும்.

[7:34 pm, 08/05/2026] Sri Shakthi Suman: அன்பர்களே, திருமந்திரம் என்பது திருமூலர் ஒருவருடம் தவம் செய்து தான் பெற்ற சித்தியின் உணர்வு ஆற்றலை ஒரு மந்திரமாக அடைத்துத் தந்துள்ளார். ஆகவே நாம் ஒரு மந்திரத்தை இப்படி தியானிக்கும் போது அவருடைய ஒருவருட தவத்தின் ஆசியைப் பெறுகிறோம்.